کراچی ، شہید بینظیربھٹو ٹریننگ سینٹر میں پولیس کمانڈوز کی پاسنگ آؤٹ پریڈ

کراچی (92 نیوز) کراچی پولیس کے 700 سے زائد کمانڈوز کی پاسنگ آؤٹ پریڈ بینظیر آباد ٹریننگ سینٹر میں ہوئی جہاں تربیت مکمل کرنے والے جوانوں نے دہشتگردوں سے نمٹنے کا شاندار عملی مظاہرہ کیا۔ خواتین اور مرد کمانڈوز نے مارشل آرٹس کا شاندار عملی مظاہرہ کیا۔ پولیس جوانوں نے دہشتگردوں کیخلاف کامیاب کارروائی کی۔ پاس آؤٹ ہونے والے کمانڈوز نے مارچ پاسٹ پیش کیا۔ وزیر اعلیٰ سندھ نے قیام امن کیلئے فورسز کے کردار کو سراہا۔ آئی جی سندھ نے جوانوں کو ترقی کی خوشخبری سنائی۔ پاسنگ آؤٹ پریڈ کے اختتام پر پولیس جوانوں نے سبز ہلالی پرچم بلند کیا۔