کراچی ، شارع فیصل کو کراچی کی ماڈل شاہراہ بنانے کی تیاری

کراچی ( 92 نیوز ) شارع فیصل کو کراچی کی ماڈل شاہراہ بنانے کی تیاری شروع کردی گئی، تجاوزات کے خلاف آپریشن کے دوران مداخلت پر 8 افراد کو حراست میں لے لیا گیا۔ شارع فیصل اب شاہراہ نہیں بلکہ شہر کی ماڈل شاہراہ بنے گی ، مئیر کراچی وسیم اختر اور کراچی پولیس چیف امیر شیخ کے  مشن کے تحت  ملیر ہالٹ سے میٹرو پول تک موٹر سائیکل سواروں کیلئے علیحدہ لین بنائی جارہی ہے ۔  مئیر کراچی کا کہنا ہے کہ مخصوص لین سے ٹریفک مسائل میں کمی آئے گی۔ شارع فیصل کے اطراف تجاوزات کا خاتمہ بھی کیا جارہا ہے، کے ایم سی ٹاسک فورس نے آپریشن کی تو مداخلت ہوئی اور ہاتھا پائی بھی، آٹھ افراد کو حراست میں لے لیا گیا۔ حکام کا کہنا ہے کہ تجاوزات کا مکمل خاتمہ کیا جائے گا۔ شارع فیصل کی مخصوص لین پر جہاں موٹر سائیکل سواروں کو سہولت ہوگی، وہیں قوانین کی خلاف ورزی پر بھاری جرمانے بھی کئے جائیں گے۔