کراچی بحریہ اور کے پی ٹی ٹیمیں ساحل سے تیل کی صفائی کیلئے پہنچ گئیں
کراچی ( 92 نیوز)کراچی کے ساحل مبارک ولیج پر چار روز بعد پاک بحریہ اور کے پی ٹی کی ٹیمیں تیل کی صفائی کیلئے پہنچ گئیں ، پوری ساحلی پٹی پر خام تیل کی صفائی کا کام دو سے تین دن میں مکمل کرلیا جائے گا ۔
مبارک ولیج کے ساحل پر پھیلا ہوا بدبودار خام تیل ساحل پر شدید آلودگی کا باعث بنا جس سے آبی حیات کی زندگیاں بھی خطرے میں پڑ گئیں ۔
پاک بحریہ، میری ٹائم سیکیورٹی ایجنسی اور کے پی ٹی نے ساحل کی صفائی کا کام شروع کردیا ، 100 سے زائد اہلکار صفائی کے کام میں مصروف ہیں ۔
ساحل خراب کیسے ہوا، پاک بحریہ نے تحقیقات شروع کردیں ، وزیر ماحولیات تیمور تالپور کا کہنا ہے واقعے کا ایک دن پہلے علم ہوا ، ذمہ داروں کیخلاف کارروائی کی جائے گی ۔
ڈبلیو ڈبلیو ایف نے بھی ساحل کی بدحالی پر تشویش کا اظہار کیا ہے ۔