کراچی ، بااثر افراد کا شہری کو برہنہ کر کے تشدد
کراچی (92 نیوز) کراچی کے علاقے گلشن معمار میں با اثر شخص نے اپنی عدالت لگاکر فیصلہ بھی کردیا ، ایک شہری پر چوری کا الزام لگاکر پہلے تو اسے برہنہ کرکے تشدد کا نشانہ بنایا، اور پھر پولیس کے ہاتھوں گرفتار کرادیا ۔
منظرعام پر آنے والی ویڈیو میں بااثر شخص کو تشدد کرتے دیکھا جاسکتا ہے ، ظالم شخص پولیس پر بھی رعب ڈالنے میں کامیاب رہا اور متاثرہ شخص کیخلاف پرچہ کٹواکر گرفتار بھی کروادیا ۔
ایس ایس پی ملیر کا کہنا ہے کسی کو اس طرح تشدد کی اجازت نہیں ، ڈی ایس پی فرحت کمال کو تحقیقات کا حکم دے دیا جبکہ متاثرہ فیملی سے بھی رابطہ کرلیا گیا ہے ۔