کراچی اور سندھ میں گرمی کی ہلاکت خیز لہر آج نسیم بحری چلنے سے ختم ہو جائیگی، موسم بہتر ہو جائیگا: محکمہ موسمیات

محکمہ موسمیات نے اہل کراچی کو خوشخبری دی ہے کہ گرمی کی ہلاکت خیز لہر آج شام تک ختم ہو جائیگی اور گرمی کی شدت کم ہو گی۔ محکمہ موسمیات کے ڈائریکٹر ڈاکٹر حنیف کا کہنا ہے کہ آج کراچی، حیدرآباد، نواب شاہ، سکھر اور دیگرشہروں میں بارش کا امکان ہے۔ کراچی میں ٹھنڈی ہوائیں معمول کے مطابق چلیں گی اور گرمی کی ہلاکت خیز لہر آج شام تک ختم ہو جائے گی۔ ڈاکٹر حنیف کا مون سون کے حوالے سے کہنا ہے کہ گزشتہ برس کی نسبت رواں سال مون سون کی بارشیں کم ہوں گی۔