کان مہترزئی میں برف اور طوفانی ہواؤں میں پھنسے افراد کو نکال لیا گیا

کوئٹہ ( 92 نیوز) بلوچستان میں  کان مہترزئی میں   برف اور سرد طوفانی ہواؤں میں پھنسے تمام افراد کو بحفاظت نکال لیا گیا ، ریسکیو کئے گئے افراد ایف سی قلعہ ،لیویز لائن اور سرکٹ ہاؤس منتقل کیے گئے ہیں ۔ متاثرہ افراد کو خوراک ، ادویات ،گرم ملبوسات اور کمبل فراہم کیے گئے ہیں ۔ ادھر کوژک ٹاپ شاہراہ سے برف ہٹا کر ٹریفک بھی بحال کر دی گئی ہے ، چمن سے کوئٹہ تک چھوٹی گاڑیوں کیلئے راستہ کھول دیا گیا ۔ ریسکیو اینڈ ریلیف آپریشن میں لیویز ، ایف سی اور این ایچ اے اہلکاروں نے حصہ لیا ، وزیر اعلیٰ بلوچستان جام کمال ریسکیو اینڈ ریلیف آپریشن کی خود نگرانی کرتے رہے، انہوں نے  امدادی کارروائیوں میں حصہ لینے والے ارکان کی تعریف بھی کی۔