کامیڈی اور ایکشن سے بھرپور فلم ”ہاٹ پرسوئٹ“ 8مئی کو ریلیز ہو گی

لاس اینجلس (ویب ڈیسک) آسکر ایوارڈ اپنے نام کرنے والی ہالی وڈ اداکارہ رِیس وِدرسپون نے سوفیا ورگیرا کے ساتھ اس بار مداحوں کو ہنسانے کی ٹھان لی ہے۔ کامیڈی اور ایکشن سے بھرپور ہالی وڈ فلم ”ہاٹ پرسوئٹ“ کا رنگارنگ پریمئر لاس اینجلس میں سجا۔ فلم آٹھ مئی کو سینماگھروں کا رخ کریگی۔ فلم ”ہاٹ پرسوئٹ“ میں رِیس ایک ایسی نااہل پولیس آفیسر کا کردار نبھا رہی ہیں جو ایک منشیات فروش کی بیوہ ڈینئیلا کو منشیات فروش گینگ سے بچانے کی کوشش کرتی ہے۔ فلم کی دیگر کاسٹ میں مائیکل موسلے، میتھیو نیگرو اور ہارلے گریم شامل ہیں۔