کامیاب جوان پروگرام کا افتتاح آج وزیر اعظم کریں گے
اسلام آباد (92 نیوز ) نوجوانوں کی فلاح و بہبود کے سب سے بڑے حکومتی پروگرام کا آغاز آج ہوگا ، وزیر اعظم عمران خان آج کامیاب جوان پروگرام کا افتتاح کریں گے۔
کامیاب جوان پروگرام کی تقریب جناح کنونشن سنٹر اسلام آباد میں آج شام چار بجے ہوگی ، تقریب میں وفاقی و صوبائی وزرا ، پارٹی کی مرکزی قیادت اور نوجوانوں کی بڑی تعداد شریک ہوگی ۔
پروگرام کے تحت نوجوانوں کو 10 ہزار سے 50 لاکھ تک قرض فراہم کیا جائے گا ، نوجوانوں کو کاروبار، اعلیٰ تعلیم اور ہنر کے مواقع بھی دیے جائیں گے ۔