کالعدم ٹی ایل پی نے ریاستی رٹ کو چیلنج کیا تو کارروائی کی گئی، وزیراعظم
اسلام آباد (92 نیوز) وزیراعظم عمران خان کہتے ہیں جب کالعدم ٹی ایل پی نے ریاست کی رٹ کو چیلنج کیا تو ان کے خلاف انسداد دہشتگردی قوانین کے تحت کارروائی کی گئی۔
میں سب پر واضح کر دوں کہ: ہماری حکومت نےتحریک لبیک پاکستان کیخلاف انسدادِ دہشت گردی قانون کےتحت جبھی کارروائی کی جب انہوں نےریاستی عملداری کو للکارا اورکوچہ و بازار کو فساد سےبھرتےہوئےعوام اور قانون نافذ کرنے والےاداروں پر حملہ آور ہوئے۔ کوئی بھی آئین و قانون سےبالاترنہیں ہوسکتا۔
— Imran Khan (@ImranKhanPTI) April 17, 2021
وزیراعظم کا ٹویٹ پیغام میں کہنا تھا کہ کوئی بھی قانون اور آئین سے ہرگز بالاتر نہیں ہے۔ عمران خان نے مغربی شدت پسندوں سے بھی معافی مانگنے کا مطالبہ کردیا، کہا کہ مغربی شدت پسند ایک ارب 30 کروڑ مسلمانوں سے معافی مانگیں۔
دائیں بازو کے انتہاء پسند سیاستدانوں سمیت اہلِ مغرب کا وہ طبقہ جو آزادئ اظہار کی آڑ میں جان بوجھ کر ایسی شرانگیزیوں کو ہوا دیتا ہے، واضح طور پر اخلاقی احساس اور حوصلے سے محروم ہے کہ اس آزار پر 1.3 ارب مسلمانوں سے معذرت کرے۔ ہم ان انتہاء پسندوں سے معافی کا پرزور مطالبہ کرتے ہیں۔
— Imran Khan (@ImranKhanPTI) April 17, 2021
انہوں نے لکھا کہ، بیرونی انتہاء پسندوں، جو دنیا کے 1.3 ارب مسلمانوں کو اذیت میں مبتلا کرنےکیلئے اسلاموفوبیا اور نسلی تضحیک کا سہارا لیتے ہیں، کیلئے میرا پیغام ہےکہ:ہم مسلمان اپنے نبی پاک ﷺ سے بےحد محبت کرتے ہیں اور وہ ہمارے دلوں میں بستے ہیں۔ انکی شانِ اقدس میں کسی قسم کی گستاخی یا ہرزہ سرائی ہمیں گوارا نہیں