کارکنوں کو ہمیشہ سچ بولنے کا درس دیا، کارکنوں سے علیحدہ نہیں رہ سکتا، آئین پر اس کی روح کے مطابق عملدرآمد نہیں ہو رہا: الطاف حسین

کراچی (نائنٹی ٹو نیوز) متحدہ قومی موومنٹ کے قائد الطاف حسین نے کہا ہے کہ کارکنوں کو ہمیشہ سچ بولنے کا درس دیا، چاہتا ہوں کہ کارکنوں کو تحریک کے بارے میں زیادہ سے زیادہ بتا سکوں۔ ایم کیوایم کے مرکز نائن زیرو پر اے پی ایم ایس او کے سینتیس ویں یوم تاسیس کی تقریب سے خطاب کرتے ہوئے الطاف حسین نے کارکنوں کو مبارکباد دی اور کہا کہ کبھی کسی کے خلاف بری زبان استعمال نہیں کی۔ ہر گزرتے دن کے ساتھ ان کی عمر بڑھتی جا رہی ہے، چاہتا ہوں کہ زندگی میں ہی ساتھیوں کو سچ بتا سکوں۔ کارکنوں سے علیحدہ نہیں رہ سکتا۔ الطاف حسین کا کہنا تھا کہ آئین پر اس کی روح کے مطابق عملدرآمد نہیں ہو رہا۔ خیبرپختونخوا میں بلدیاتی انتخابات میں ہونے والی ہلاکتوں پر کوئی کارروائی نہیں کی گئی۔ خیبرپختونخوا میں اسلحہ رکھنا ثقافت کا حصہ سمجھا جاتا ہے۔