کابینہ کمیٹی کا چین سے کورونا ویکسین خریدنے کا فیصلہ
اسلام آباد (92 نیوز) کابینہ کمیٹی نے چین سے کورونا ویکسین خریدنے کا فیصلہ کرلیا۔
کابینہ کمیٹی نے فیصلہ کیا ہے کہ ابتدائ طور پر چین کی کمپنی سائنوفارم سے ویکسین کی بارہ لاکھ Doses خریدی جائیں گی جو 2021 کی پہلی سہ ماہی میں فرنٹ لائن ورکرز کو مفت مہیا کی جائیں گی، پرائیویٹ سیکٹر اگر کوئ اور بینالاقوامی طور پر منظور شدہ ویکسین امپورٹ کرنا چاہےتو وہ بھی کرسکتا ہے
وفاقی وزیر فواد چودھری نے ٹویٹ پیغام میں لکھا کہ چین کی کمپنی سائنوفارم سے ویکسین خریدی جائے گی۔ نئے سال کی پہلی سہ ماہی میں 12 لاکھ ڈوز درآمد کرکے ہیلتھ ورکرز کو مفت مہیا کی جائیں گی۔
انہوں نے مزید لکھا کہ پرائیویٹ سیکٹر کو بھی عالمی طور پر منظورشدہ کسی بھی کمپنی کی ویکسین درآمد کرنے کی اجازت ہوگی۔
