ڈینگی ٹیسٹ کیلئے جدید مشین راولپنڈی پہنچا دی گئی
راولپنڈی ( 92 نیوز) راولپنڈی میں ڈینگی کے پھیلتے ہوئے مرض کو قابو کرنے کے لئے لاہور جنرل اسپتال کی انتظامیہ نے ڈینگی ٹیسٹ کیلئے جدید مشین آٹو اینا لائز اور 2 ٹیکنیشن فوری طور پر راولپنڈی پہنچا دیے ۔
ڈی جی ہیلتھ کے مطابق راولپنڈی کے پوٹھوہا رٹاؤن میں ڈینگی وباء سے متاثرہ یونین کونسلوں میں جاری اینٹی دینگی مہم کی ازسر نو مائیکرو پلاننگ مکمل کرکے اس پرفوری عمل درآمد شروع کر دیا گیا۔
پوٹھو ہار ٹاؤن میں جاری اینٹی ڈینگی مہم کی سرگرمیوں کی کا مکمل جائزہ لے کر متاثرہ یونین کونسلوں میں مہم از سر نو مائیکروپلاننگ مکمل کی جس میں لاروا کی تلاش ، مچھر کی افزائش گاہوں کی کی صفائی ، عوامی اور پرائیویٹ عمارتوں احاطوں اور تمام گھروں کی مکمل لاروا تلاشی کر کے کھڑے پانی ، ٹوٹے پھوٹے جمع شدہ کباڑ، پانی کے ذخیروں ، جانوروں کے برتنوں اور دیگر مخفی مقامات کی مکمل جانچ کی جائے گی۔
