ڈینگی نے ایک اورزندگی کا چراغ گل کر دیا
کراچی(92نیوز)کراچی میں ڈینگی بخار نے ایک اور خاتون کی جان لے لی ۔ رواں سال ڈینگی سے مرنے والے افراد کی تعداد سات ہوگئی ۔
تفصیلات کےمطابق ڈینگی نے ایک اور خاتون کی جانے لے لی ، جاں بحق ہونے والی42سالہ نگہت کئی روز سے ڈاو اسپتال میں ذیر علاج تھی ۔ ڈینگی بخار کی تشخیص پر نگہت کو اسپتال میں داخل کیا گیا تھا جہاں وہ جمعے کی صبح انتقال کر گئیں ۔
رواں سال ڈینگی سے جاں بحق ہونیوالوں کی تعداد7ہوگئی ہے جبکہ رواں سال ڈینگی بخار کے تصدیق شدہ مریضوں کی تعداد2450ہوچکی ہے ۔