ڈیم بناؤ ملک بچاؤ ، 92 نیوزنے ملکی تعمیر و ترقی میں اپنا اہم کردار ادا کردیا

لاہور (92 نیوز) ڈیم بناؤ ملک بچاؤ،  92 نیوز نے ایک مرتبہ پھر ملکی تعمیر و ترقی میں اپنا کردار ادا کر دیا اور  اسپیشل ڈیم فنڈ ریزنگ ٹرانسمیشن کے نام سے ایک بڑی ٹرانسمیشن  میں پوری دنیا میں مقیم پاکستانیوں سے مادر وطن کیلئے اپیل کر دی ۔ 92 نیوز کی جانب سے ڈیم فنڈز  ریزنگ کیلئے اپیل پر دنیا بھر میں مقیم پاکستانیوں نے لبیک کہااور ڈیم فنڈز کیلئے دل کھول کر پیسے عطیہ کئے ۔ وزیراعظم  عمران خان اور چیف جسٹس آف پاکستان میاں ثاقب نثار کی دیا میر اور بھاشا ڈیم بنانے کی کوششیں جاری ہیں اسی سلسلے میں 92 نیوز بھی ملکی تعمیر و ترقی میں کردار ادا کر نے کے لئے نہ صرف تیار ہو گیا بلکہ عملی طور پر میدان میں آگیا۔چینل 92 نیوز نے  پہلا اقدام بڑی ٹرانسمیشن کا اہتمام تھاجس کا نام سپیشل ڈیم فنڈ ریزنگ ٹرانسمیشن تھا۔ چینل 92 نیوز کی ٹرانسمیشن میں ڈیم فنڈ کیلئے عوام سے اپیل کی گئی ، ٹرانسمیشن کی ذمہ داریاں شازیہ اور نورالحسن نے سنبھالیں جبکہ ملک کی نامور شخصیات ٹرانسمیشن کا حصہ بیں ۔ چینل 92 نیوز کی خصوصی نشریات  رات 10سے 12 بجے تک  تھیں مگر پوری دنیا سے پاکستانیوں کی کالیں اور عطیات لینے کیلئے وقت کم پڑ گیا اور ٹرانسمیشن 12 کی بجائے رات ایک بجے تک جاری رہی ۔