ڈیرہ مراد جمالی میں بم دھماکہ ، دو سی ٹی ڈی اہلکاروں سمیت 10 افراد زخمی
ڈیرہ مراد جمالی ( 92 نیوز) ڈیرہ مراد جمالی میں بم دھماکے میں سی ٹی ڈی پولیس کے دو افسران سمیت 10 افراد زخمی ہوگئے، 2 کو تشویشناک حالت میں لاڑکانہ منتقل کردیاگیا۔
ڈیرہ مراد جمالی میں بس اسٹینڈ کے قریب بم کا زور دار دھماکا ہوا ، پولیس کے مطابق دھماکا اس وقت ہوا جب سی ٹی ڈی کے اہلکار موبائل گاڑی پر بس اڈے سے گزر رہے تھے ۔
ریمورٹ کنڑول بم موٹر سائیکل میں نصب کیا گیا تھا، دھماکے میں دو سی ٹی ڈی اہلکاروں سمیت 10افراد زخمی ہو گئے ۔
زخمیوں میں سی ٹی ڈی انسپکٹر غلام سرور ابڑو اور سب انسپکٹر محمد یعقوب بھی شامل ہیں ۔