ڈی جی رینجرز سندھ کہتے ہیں املاک کو نقصان پہنچانے کی اجازت نہیں دی جائے گی
کراچی (92 نیوز) ڈی جی رینجرز سندھ کے احکامات کے بعد رینجرز کے سڑکوں پر آتے ہی کراچی میں حالات معمول پر آگئے۔ میجر جنرل محمد سعید کہتے ہیں شہری قانون ہاتھ میں نہ لیں، تیسرا ہاتھ فائدہ اٹھاسکتا ہے۔
ڈی جی رینجرز میجر جنرل محمد سعید نے نائنٹی ٹو نیوز سے خصوصی گفتگو میں کہا کہ شہری پُرامن احتجاج کریں، کسی کی املاک کو نقصان پہنچانے کی اجازت نہیں دی جاسکتی۔
ڈی جی رینجرز کا کہنا کہ شہری قانون کا احترام کریں، تشدد کرنے والوں کے ساتھ سختی سے نمٹا جائے گا، صورتحال پر گہری نظر ہے، پرتشدد حالات میں تیسرا ہاتھ فائدہ اٹھاسکتا ہے۔