ڈی ایچ کیو اسپتال پاکپتن میں پرچی نہ ملنے پر مریضہ دم توڑ گئی
پاکپتن ( 92 نیوز) پاکپتن میں ایک اور مریضہ فرسودہ نظام کی بھینٹ چڑھ گئی اور بروقت اسپتال پہنچنے کے باوجود فرش پر ایڑیاں رگڑ رگڑ کر دم توڑ گئی ۔
مرحومہ کے بھائی کا کہنا ہے کہ مرحومہ کو تشویشناک حالت میں اسپتال لے کر آئے تو ڈاکٹروں نے پہلے پرچی لانے کا کہا ، پرچی کیلئے گئے تو عملے نے شناختی کارڈ لازمی قرار دے دیا جس پر گھر سے شناختی کارڈ لینے گیا ، واپسی تک بچی دم توڑ گئی ۔
دوسری جانب ایم ایس اسپتال ڈاکٹرامان اللہ نے مؤقف دیا کہ جب بچی کو ایمرجنسی وارڈ میں لایا گیا تو وہ پہلے ہی دم توڑ چکی تھی ۔