ڈی ایچ اے سٹی کراچی اراضی سکینڈل، 12 افراد کے نام ای سی ایل میں شامل
کراچی ( 92 نیوز ) کراچی میں نیب نے ڈی ایچ اے سٹی کی زمین غیرقانونی طورپر منتقل کرنے کے خلاف تحقیقات تیز کردی ہیں ۔ وفاقی وزارت داخلہ نے 12 افراد کے نام ای سی ایل میں شامل کر دئیے ہیں ۔
نیب نے بورڈ آف ریونیو اور ڈی ایچ اے کے ایک افسرکا بھی نام بھی ای سی ایل میں ڈالنے کی سفارش کی تھی ۔
ارشاد کمالانی، جاوید سومرو، عبدل رحمان برفت، ممتاز علی چنہ ، لیفٹننٹ کرنل ریٹائرڈ جمشید حیات نیازی، غلام دستگیر، غلام مصطفی ڈاؤچ، محمداقبال اور حنیف لالانی کے نام ای سی ایل میں شامل کئے گئے ہیں ۔
جامشورو میں واقع 731 ایکڑ سرکاری زمین کی الاٹمنٹ کی تحقیقات بھی جاری ہیں ۔ نیب کی تحقیقات کے مطابق غیرقانونی الاٹمنٹ میں سرکاری خزانے کو 11 ارب کا نقصان پہنچایا گیا۔