ڈسکہ واقعہ کیخلاف تحریک انصاف کا ملتان میں احتجاجی مظاہرہ، پنجاب حکومت اور پولیس کیخلاف شدید نعرے بازی
ملتان (92نیوز) ملتان پاکستان تحریک انصاف کے زیراہتمام ڈسکہ واقعہ کے خلاف احتجاجی مظاہرہ کیا گیا۔ مظاہرین نے پنجاب حکومت اور پولیس کے خلاف شدید نعرے بازی کی۔ ملتان کے علاقہ 6نمبر چونگی پر ڈسکہ واقعہ کے خلاف ہونے والے احتجاجی مظاہرہ میں پی ٹی آئی کے کارکنوں کی بڑی تعداد نے شرکت کی۔ مظاہرین نے پنجاب حکومت اور پولیس کے خلاف شدید نعرے بازی کی۔
مظاہرین کا کہنا تھا کہ ڈسکہ واقعہ کی جتنی مذمت کی جائے کم ہے جبکہ حکومت کی جانب سے پولیس کے خلاف کارروائی نہ کرکے ان کو چھوٹ دی جارہی ہے جس کی وجہ سے سانحہ ماڈل ٹاون کے بعد ڈسکہ واقعہ رونما ہوا ہے۔
مظاہرین نے حکومت سے مطالبہ کیا ہے کہ فی الفور ڈسکہ واقعہ میں ملوث افراد کے خاف قانون کے مطابق سخت کارروائی عمل میں لائی جائے ورنہ پاکستان تحریک انصاف اسی طرح احتجاج جاری رکھے گی۔
