ڈسکہ میں ضمنی انتخابات کے دوران سر عام فائرنگ، تین مقدمات درج
ڈسکہ ( 92 نیوز) ڈسکہ میں ضمنی انتخاب کے دوران سرعام فائرنگ کے تین مختلف مقدمات درج کر لیے گئے ہیں ۔
این اے75میں ضمنی انتخابات کےدوران فائرنگ پر قانون حرکت میں آیا اور ملزمان کیخلاف تین مختلف مقدمات درج کر لیے گئے ۔
گزشتہ روز ڈسکہ میں ضمنی انتخاب کیلئے جاری پولنگ کے دوران ملزمان نے فائرنگ کی ، ایک جانب عوام ووٹ ڈال رہے تھے تو دوسری جانب شہر میں گولیوں کی تڑتڑاہٹ سنائی دے رہی تھی ۔
فوارہ چوک ، کالج روڈ اور ڈسکہ کلاں میں ملزمان سرعام ہوائی فائرنگ کرتےرہے ۔ ایک روز گزرنے کے بعد تھانہ سٹی پولیس نےتینوں مقامات پرفائرنگ کے مقدمات نامعلوم افراد کے خلاف درج کرلیے ۔
ایف آئی آرکےمطابق ملزمان الیکشن ڈےپرہوائی فائرنگ اوراسلحہ کی نمائش کررہےتھے۔مقدمات پولیس کی مدعیت میں درج کیے گئے ۔