ڈاکٹر روتھ فاؤ کی آج 91ویں سالگرہ منائی جا رہی ہے
اسلام آباد ( 92 نیوز) پاکستان میں جذام کے مریضوں کے علاج کے لئے اپنی زندگی وقف کرنے والی ڈاکٹر روتھ فاؤ کی 91 ویں سالگرہ منائی جا رہی ہے ۔
انسانیت کی خدمت کیلئے زندگی وقف کردینی والی ڈاکٹر لیڈی رتھ فاؤ کا آج یوم پیدائش منایا جارہا ہے ۔ڈاکٹرلیڈی رتھ فاؤ ٓ کی سالگرہ کی تقریب کورونا وائرس کے پیش نظر میری ایڈیلیڈ
لیپروسیسینٹرمیں آج سادگی سے منائی جائے گی اور اسپتال میں موجود جذام کے امراض
میں مبتلا مریض کیک کاٹیں گے۔
نو ستمبر1929 کو جرمنی میں پیدا ہونےوالی ڈاکٹر رتھ فاؤ 1960 میں پاکستان آئیں جس کے کچھ عرصے بعد انہوں نے میری ایڈیلیڈ لپروسی سینٹر کی بنیاد رکھی جو کہ 1965ء تک
اسپتال کی شکل اختیار کرگیا۔
سال 1988ء میں ڈاکٹر فاؤکو ان کی گراں قدر خدمات پر پاکستان کی شہریت دی گئی اور حکومت پاکستان کی جانب سے انہیں ہلال پاکستان، ستارہ قائداعظم ہلال امتیاز، جناح ایوارڈ اور نشان قائداعظم سے بھی نوازا گیا۔
ڈاکٹر رُتھ فاؤ کی کوششوں سے 1996 میں پاکستان سے جذام کا خاتمہ ہوا جسے عالمی ادارہ صحت کی جانب سےبھی سراہا گیا ۔