چین نے شیشے سے بنا دنیا کا بلند اور طویل ترین پل بند کر دیا

بیجنگ (ویب ڈیسک) شیشے سے بنا دنیا کا سب سے بڑا پل عوام کے لیے کھلنے کے دو ہفتوں بعد ہی بند کردیا گیا۔ حکام کا کہنا ہے کہ پل کی مقبولیت کے باعث سیاحوں کی تعداد اندازے سے زیادہ ہوگئی تھی جس کے باعث اسے مزید بہتر بنانے کے لیے بند کیا گیا ہے۔   تفصیلات کے مطابق چین میں بنایا جانے والا دنیا کا بلند ترین اور طویل ترین پل بائیس اگست کو عوام کے لیے کھولا گیا تھا لیکن صرف تیرہ روز بعد شیشے سے بنے اس پل کو بند کردیا گیا۔ یہ خوبصورت پل چینی صوبے حنان میں واقع دو پہاڑیوں کی چوٹیوں کے درمیان بنایا گیا تھا۔ چینی حکام کا کہنا ہے کہ کثیر تعداد میں شہریوں کی آمد کے باعث پل کو مزید بہتر بنانے کے لیے بند کردیا گیا۔ پل کو پندرہ روز بعد عوام کے لیے کھول دیا جائے گا۔ حکام کا کہنا ہے کہ پل پر آٹھ ہزار افراد کے بیک وقت موجود ہونے کی گنجائش موجود ہے تاہم یہاں سیاحوں کی آمد کی تعداد اس سے دس گنا زیادہ ہے۔ اس کی مرمت کرکے اسے عوام کے لیے کھول دیا جائے گا۔