چیمپئنز ٹرافی کی جیت موومنٹ آف دی ائیر، حسن علی ایمرجنگ پلیئر 2017 قرار
دبئی ( 92 نیوز ) آئی سی سی نے 2017 ایوارڈز کا اعلان کردیا ۔ پاکستان کی چیمپئنز ٹرافی میں جیت مومنٹ آف دی ایئر اور حسن علی کو ایمرجنگ پلیئر آف دی ایئر قرار دیا گیا ۔ آسٹریلیا کے اسٹیون اسمتھ ٹیسٹ کرکٹر آف دی ایئر جبکہ ویرات کوہلی ون ڈے کرکٹرآف دی ایئر قرار پائے ۔
آئی سی سی نے سالانہ ایوارڈز کا اعلان کر دیا ، چیمپئنز ٹرافی 2017 میں گرین شرٹس کی کامیابی کی دھوم 2018 میں بھی برقرار رہی
پاکستان کی چیمپئنز ٹرافی میں جیت کو سال کا بہترین لمحہ قرار دیا گیا ۔
چیمپئنز ٹرافی میں 13 وکٹیں لینے والے حسن علی ایمرجنگ کرکٹرآف دی ایئر کا ایوارڈ لے اڑے ۔
بھارت کے کپتان ویرات کوہلی کو ون ڈے کرکٹر آف دی ایئر کے ایوارڈ سے نوازا گیا ۔ اسٹار بلے باز نے 2017 میں سے 6 سنچریاں بنائیں اور 202 ون ڈے میچزمیں 55.74 کی اوسط سے بیٹنگ کا نیا عالمی ریکارڈ قائم کیا ۔
آسٹریلوی کپتان اسٹیون اسمتھ ٹیسٹ کرکٹرآف دی ایئرقرار پائے ۔ شہرہ آفاق کرکٹر نے 2017 میں 6 سنچریاں اور تین نصف سنچریاں اسکور کیں ۔
بھارت کے یویندرز چہل کو ٹی 20 پرفارمنس آف دی ایئر کا ایوارڈ دیا گیا ۔ افغانستان کے راشد خان بہترین ایسوسی ایٹ پلیئر آف دی ایئر قرار پائے ۔
جنوبی افریقہ کے ایراسمس نے مسلسل دوسرے سال بہترین امپائر کا ایوارڈ اپنے نام کیا ۔