چیف جسٹس کاسنٹرل جیل پشاور میں مینٹل اسپتال کا دورہ،سہولیات کی کمی پر اظہاربرہمی

پشاور ( 92 نیوز) چیف جسٹس میاں ثاقب نثار نے  سنٹرل جیل پشاور میں مینٹل اسپتال کا دورہ کیا ۔  چیف جسٹس نے  سہولیات کی کمی پر اظہار برہمی کیا۔ چیف جسٹس کے طلب کرنے پر وزیر اعلیٰ خیبرپختونخوا بھی پہنچ گئے ، وزیر اعلیٰ نے کہا کہ چیف جسٹس ان کے صوبے میں مہمان ہیں جہاں بلائیں گے، وہیں آئیں گے۔ چیف جسٹس پاکستان میاں ثاقب نثار نے پشاو ر میں چیک پوسٹیں ختم کرنے کا حکم دے دیا۔ چیف سیکرٹری نے چیف جسٹس سے استدعا کی کہ  حالات خراب ہیں تھوڑی رعایت دے دیں ، چیف جسٹس نے کہا آپ نے دیواریں لگا کر فٹ پاتھ بند کر دیئے ہیں ، انہیں اٹھائیں  ،جتنے راستے بند کئے ہیں 48 گھنٹے میں کھول دیئے جائیں۔