چیف الیکشن کمشنر اور ممبران کی تقرری، پارلیمانی کمیٹی کا اجلاس پیر کو دوبارہ ہو گا

 اسلام آباد (92 نیوز) چیف الیکشن کمشنر اور ممبران کی تقرری کے معاملے پر پارلیمانی کمیٹی کا اجلاس پھر بے نتیجہ ختم ہو گیا۔ اجلاس پیر کو دوبارہ ہو گا۔ حکومت کی جانب سے پہلے چیف الیکشن کمشنر اور ارکان کے تجویز کردہ نام اپوزیشن کو بھیجے جائیں گے۔ اپوزیشن اس کے بعد نام بھجوائے گی۔ لیگی رہنما مشاہد اللہ نے کہا امید ہے آئندہ اجلاس میں اتفاق ہو جائیگا۔ وزیر پارلیمانی امور اعظم سواتی نے کہا چیف الیکشن کمشنر کے نام بند لفافے میں ہیں۔ اپوزیشن سے ارکان کے نام طلب کیے ہیں۔ اعظم سواتی نے یہ بھی کہا کہ 20 جنوری کو اتفاق رائے نہ ہوسکا تو 21 جنوری کو دوسرے فارمولے پرغور کریں گے۔