چیئرمین پی سی بی نے فرسٹ بورڈز کے عہدیداران کو گراس روٹ کرکٹ سے متعلق اپنے نظریے سے آگاہ کیا
لاہور (92 نیوز) چیئرمین پی سی بی رمیز راجہ کی فرسٹ بورڈز کے عہدیداران سے ملاقات ہوئی۔ چیئرمین پی سی بی نے گراس روٹ کرکٹ سے متعلق اپنے نظریے سے آگاہ کیا۔
رمیز راجہ نے اسکول اور کلب کرکٹ جلدازجلد اور مؤثر انداز میں بحال کرانے کی ہدایت کر دی۔ انہوں نے کہا نوجوانوں کو بہترین سہولیات فراہم کرکے انفرااسٹرکچر اپ گریڈ کیا جائے۔ گزشتہ کئی سال سے گراس روٹ کرکٹ کو نظر انداز کیا جارہا ہے۔
رمیز راجہ نے صوبائی سطح پر بہترین کام کرنے پر فرسٹ بورڈز کی حوصلہ افزائی بھی کی۔