چھے پوائنٹس ملنے کے باوجود ویمن ٹیم کو ورلڈ کپ میں شرکت کیلئے کوالیفائرمیچ کھیلنا ہوگا
دبئی (سپورٹس ڈیسک)آ ئی سی سی ویمن کوالیفائر میں شیڈول کے مطابق نہ کھیلنے کے باعث بھارت کو نقصان جبکہ پاکستان کو 6 پوائنٹس مل گئے۔ٹیم پھر بھی ورلڈ کپ کیلئے کوالیفائی نہ کرسکی دونوں ٹیمیں اگلے سال سری لنکا میں کوالیفائنگ رائونڈ کھیلیں گی ۔
تفصیلات کےمطابق آ ئی سی سی کی جانب سے دیئے گئے فیصلے کے مطابق بھارت نے آ ئی سی سی شیڈول کے مطابق رائونڈ نہ کھیل کرکنڈکٹ کی خلاف ورزی کی ہے جس کی بنا پر پاکستان کو سیریز کے مکمل چھ پوائنٹس دے دیئے گئے ہیں ، بھارت کو کوئی پوائنٹ نہیں ملا چھ پوائنٹس ملنے کے باوجود پاکستان کی خواتین ٹیم ورلڈکپ میں براہ راست کوالیفائی نہیں کرسکی۔ بھارت اور پاکستان کے علاوہ جنوبی افریقہ ، سری لنکا ،بنگلہ دیش، زمبابوے ، آ ئر لینڈ ،سکاٹ لینڈ ، پاپوا نیو گنی اور تھائی لینڈ کی ٹیمیں سات سےاکیس فروری تک کوالیفائنگ رائونڈ کھیلیں گی ۔
