چودہویں ساؤتھ ایشین گیمز کی میزبانی پاکستان کو مل گئی
کھٹمنڈو ( 92 نیوز) چودہویں ساؤتھ ایشین گیمز کی میزبانی پاکستان کو مل گئی ، کھٹمنڈو میں ساؤتھ ایشین اولمپک کمیٹی کے صدر نے آفیشل فلیگ پاکستان اولمپک ایسوسی ایشن کے صدر لیفٹیننٹ جنرل ریٹائرڈ سیدعارف حسن کے حوالےکر دیا۔
آفیشل فلیگ صدر پاکستان اولمپکس ایسوسی ایشن لیفٹیننٹ جنرل ریٹائرڈ عارف حسن کو نیپال میں منعقد ہونے والی 13 ویں ساؤتھ ایشین گیمز کی اختتامی تقریب کے دوران دیا گیا۔
اس موقع پرعارف حسن نے تقریب سے خطاب کرتے ہوئے نیپال کے لوگوں کا شکریہ ادا کیا ، انہوں نے کہا پاکستان اگلی ساؤتھ ایشین گیمز میں آپ کا منتظر ہے، ۔۔پاکستان آپ کی توقعات پر پورا اترنے کی کوشش کرے گا۔
