چودھری پرویزالہیٰ سے اسد قیصر کی ملاقات،باہمی دلچسپی امور،سیاسی صورتحال پر تبادلہ خیال

لاہور (92 نیوز) قائم مقام گورنر پنجاب چودھری پرویزالہیٰ سے اسپیکر قومی اسمبلی اسد قیصر کی ملاقات ہوئی، باہمی دلچسپی کے امور،سیاسی صورتحال اورفلاح عامہ کے منصوبوں پر تبادلہ خیال کیا گیا۔ قائم مقام گورنر پنجاب چودھری پرویزالہیٰ کا کہنا تھا کہ اسد قیصر کیساتھ ملاقات میں زراعت پر گفتگو ہوئی ہے،اسدقیصر کی گائیڈ لائن کو یہاں اپنانے کی کوشش کریں گے۔ انہوں نے کہا کہ 10سال میں پنجاب میں زراعت پر ایسا کام نہیں ہوا جو ہم چھوڑ کر گئے تھے،وزیراعلیٰ پنجاب بھی صوبے میں زراعت پر کام کررہے ہیں۔