چودھری پرویز الٰہی اور چودھری شجاعت حسین نے نمازعید گجرات میں پڑھی
گجرات( 92 نیوز) پاکستان مسلم لیگ ق کے رہنما چودھری شجاعت حسین اور اسپیکر پنجاب اسمبلی چودھری پرویز الٰہی نے نماز عید گجرات میں ادا کی ۔
نماز عید کی ادائیگی کے بعد چودھری پرویز الٰہی نے گفتگو کرتے ہوئے کہا کہ لوگ کس بنیاد پر اور کیوں احتجاج کریں گے ، احتجاج کرنے والوں کو اپنے گریبان میں جھانکنا چاہیے۔اسپیکر پنجاب اسمبلی پرویز الٰہی کا کہنا تھا کہ سابق پنجاب حکومت نے 10 سالوں میں صوبے کیلئے کچھ نہیں کیا ، شہباز شریف نے گجرات یونیورسٹی کو ایک پیسہ بھی نہیں دیا۔
مسلم لیگ ق کے صدر چودھری شجاعت حسین اور اسپیکر پنجاب اسمبلی چودھری پرویزالہیٰ نے وزیراعظم عمران خان کو 22 سالہ جدوجہد پر خراج تحسین پیش کیا ، چودھری شجاعت حسین نے کہا کہ عمران خان 22 سالہ جدوجہد کےبعد اقتدار میں آئے، اس سے قبل وزرائےاعظم لائے جاتے رہے، چودھری پرویزالہیٰ کہتے ہیں ن لیگ پنجاب کے اکثر علاقوں میں جیتے کےباوجود احتجاج کررہی ہے۔
اسپیکر پنجاب اسمبلی چودھری پرویزالہیٰ نے میڈیا سے گفتگو کرتے ہوئے کہا کہ ن لیگ کیلئے بہت بڑا المیہ ہے کہ بیٹا وزیراعلیٰ اور باپ وزیراعظم کا امیدوار تھا ۔