چودھری پرویز الٰہی کا وزیر داخلہ سے ان کے بھائی طارق شاہ کے انتقال پر اظہار تعزیت

لاہور ( 92 نیوز) اسپیکر پنجاب اسمبلی چودھری پرویز الٰہی اور مونس الٰہی نے وزیر داخلہ بریگیڈیئر (ر) اعجاز شاہ سے ان کی رہائشگاہ پر ملاقات  کی  اور وزیر داخلہ سے ان کے بھائی طارق شاہ کے انتقال پر اظہار تعزیت کی ۔

چودھری پرویز الٰہی نے اس موقع پر وزیر داخلہ سے کہا کہ ہم آپ کے غم میں برابر کے شریک ہیں  ، اللہ تعالیٰ مرحوم کے درجات بلند فرمائے ۔

ملاقات میں موجودہ ملکی سیاسی صورتحال اور باہمی دلچسپی کے دیگر امور پر بھی تبادلہ خیال کیا گیا ، اس موقع پر سیکرٹری پنجاب اسمبلی محمد خان بھٹی بھی ان کے ہمراہ تھے ۔