چودھری محمد سرور نے گورنر کے عہدے کا حلف اٹھالیا
لاہور( 92 نیوز) چودھری محمد سرور نے پنجاب کے گورنر کے عہدے کا حلف اٹھالیا ۔ گورنر ہاؤس میں ہو نے والی تقریب میں چیف جسٹس لاہور ہا ئی کورٹ جسٹس یاور علی نے چوہدری محمد سرور سے عہدے کا حلف لیا ۔
حلف برداری کی تقریب میں وزیر اعلیٰ پنجاب سردار عثمان بزدار، ڈی جی رینجر ز میجر جنرل اظہر نوید حیات، سینٹرل ائیر کمانڈ ائیر وائس مارشل عر فان احمد، اسٹیشن کمانڈر پاکستان نیوی نعمت اللہ ، آئی جی پنجاب کلیم امام نے شرکت کی ۔
حلف برداری کی تقریب میں ڈپٹی اسپیکر دوست مزاری، میاں محمود الر شید، چوہدری ظہیر الدین، آصف نکئی، صوبائی وزرا راشد حفیظ، یاسر ہمایوں، سبطین خان ، ارکان پنجاب اسمبلی سعد یہ سہیل رانا، معاویہ اعظم طارق ،منظور وٹو، خرم نواز گنڈاپورہ، خرم جہانگیر وٹو، میاں عمران مسعود، عائشہ چوہدری سمیت دیگر سیاسی و سماجی شخصیات نے شرکت کی ۔
حلف برادری کے بعد وزیراعلیٰ پنجاب عثمان بزدار سمیت دیگر شخصیت نے چودھری محمد سرور کو گور نر بننے کی مبارک باد دی۔ مہمانوں کی تواضع چائے اور بسکٹو ں سے کی گئی ۔
دوسری جانب خیبرپختونخوا کے گورنر شاہ فرمان نے بھی عہدے کا حلف اٹھا لیا، چیف جسٹس پشاور ہائیکورٹ نے گورنر ہاؤس میں ان سے حلف لیا۔