چودھری شیر علی مسلم لیگ کی خاطر نہیں کرپشن کے نتیجے میں جیل گئے: اراکین اسمبلی ثناءاللہ گروپ

فیصل آباد (نائنٹی ٹو نیوز) چوہدری شیرعلی کی الزامات بھری پریس کانفرنس پر ثناءاللہ گروپ کے اراکین اسمبلی نے جواب دیتے ہوئے کہا کہ چوہدری شیرعلی مسلم لیگ کی خاطر نہیں کرپشن کے نتیجے میں جیل گئے تھے۔ پریس کانفرنس میں اراکین اسمبلی نے رانا ثناءاللہ کا خوب دفاع کیا۔ کہتے ہیں وزیر قانون پر ٹارگٹ کلنگ کے الزام پر انہیں افسوس ہوا۔ چوہدری شیر علی بیٹے کی مئیر شپ کی خاطر اوچھے ہھتکنڈوں پر اتر آئے ہیں۔ ان کا کہنا تھا کہ شیرعلی کی جانب سے مسلم لیگ ن چھوڑنے اور بیٹے عابد شیر کی وزارت سے استعفے کی دھمکی سیدھی سیدھی بلیک میلنگ ہے۔ شیرعلی کو جماعت کے قائدین کا بھی خیال نہیں رہا۔