پیپلزپارٹی کے سینئر رہنما چودھری احمد مختار کی نمازجنازہ لاہور ڈی ایچ اے میں ادا
بائیس جون انیس سو چوالیس کو پیدا ہونے والے چودھری احمد مختار پیپلز پارٹی میں ذوالفقارعلی بھٹو اور بینظیر بھٹو کے ساتھ سیاست میں متحرک رہے ۔ علالت کے باعث ایک عرصہ پہلے عملی سیاست سے کنارہ کشی اختیار کر چکے تھے ۔
چودھری احمد مختار سابق صدر آصف علی زرداری کے قریبی دوست بھی تھے۔ وہ گجرات سے اکثر انتخابات میں چودھری شجاعت حسین کے مدمقابل رہے ۔ چودھری احمد مختار انیس سو ترانوے میں وزیر تجارت، 2008 میں وزیر دفاع رہے۔