پیپلزپارٹی آج مرکزی جلسہ گڑھی خدا بخش کی بجائے راولپنڈی میں کرے گی
راولپنڈی (92 نیوز) سابق وزیراعظم محترمہ بے نظیر بھٹو کی بارہویں برسی پر پیپلزپارٹی آج مرکزی جلسہ گڑھی خدا بخش کی بجائے راولپنڈی میں کرے گی۔
لیاقت باغ میں پنڈال تیار کر لیا گیا ۔ ملک بھر سے جیالوں کی آمد کا سلسلہ جاری ہے۔ جلسے سے بلاول بھٹو اور دیگر رہنما خطاب کریں گے۔
ادھر گڑھی خدابخش میں بھی تقریب ہو گی۔ فریال تالپور اور آصفہ بھٹو مزار پر حاضری دیں گی۔