جیالوں کیلئے بی بی کے قاتلوں کے ہمدرد کو لیڈر قبول کرنا مشکل ہے، فواد
اسلام آباد (92 نیوز) وفاقی وزیر سائنس اینڈ ٹیکنالوجی فواد چودھری کا کہنا ہے پیپلز پارٹی کے کارکنوں کیلئے بےنظیر بھٹو شہید کے قاتلوں کے ہمدرد کو اپنا لیڈر قبول کرنا مشکل ہے۔
وفاقی وزیر سائنس اینڈ ٹیکنالوجی فواد چودھری کا ٹویٹر پیغام میں کہنا تھا کہ پیپلز پارٹی کی قیادت کا فیصلہ ذوالفقار بھٹو اور بےنظیر کے نظریات سے متصادم ہے۔
انہوں نے مزید کہا کہ پیپلز پارٹی کے کارکنوں کو قیادت پر دباؤ بڑھانا چاہئے کہ اس اتحاد سے باہر نکلیں جو دراصل انتشارکا ایجنڈا ہے۔