پیراگون ریفرنس ، خواجہ برادران کے جوڈیشل ریمانڈ میں 23 دسمبر تک توسیع
لاہور ( 92 نیوز) پیراگون ریفرنس میں خواجہ برادران کے جوڈیشل ریمانڈ میں 23 دسمبر تک توسیع کر دی گئی ، عدالت نے خواجہ سعد رفیق کو اجلاس کے لیے اسلام آباد جانے کی اجازت دے دی ۔
دوران سماعت خواجہ سعدرفیق نے کہا کہ میرے کیس میں رپورٹرز کو عدالت میں نہیں آنے دیا جا رہا ، عوام سے حقائق چھپائے جا رہے ہیں ، پولیس ہر پیشی پر وکلاء اور رپورٹرز کو کمرہ عدالت میں آنے سے روک دیتی ہے ۔
جج جواد الحسن نے پولیس کو ہدایت کی کہ میری عدالت میں آنے سے وکلاء اور رپورٹرز کو نہیں روکنا ، سکیورٹی کا کوئی مسئلہ ہے تو ہم رینجرز کو طلب کر لیں گے ۔