پی کے 30 مانسہرہ ، پی ٹی آئی کے احمد شاہ کامیاب قرار
مانسہرہ ( 92 نیوز) پی کے 30 مانسہرہ کے ضمنی انتخاب میں پاکستان تحریک انصاف کے امیدوار احمد شاہ نے میدان مار لیا۔
پی ٹی آئی نے ن لیگ سے پی کے 30 مانسہرہ کی نشست چھین لی ، احمدشاہ چھیالیس ہزار 438 ووٹ لیکر کامیاب قرار ، مسلم لیگ ن کے مظہر علی قاسم 39 ہزار 945 ووٹ لے سکے ، الیکشن کمیشن نے غیر سرکاری نتیجہ جاری کردیا۔
متحدہ مجلس عمل پاکستان کے امیدوار عطاء اللہ 1402 ووٹ لیکر تیسرے نمبر پر رہے ۔
حلقے میں کل رجسٹرڈ ووٹرز کی تعداد ایک لاکھ 93 ہزار830 تھی جن میں 83ہزار 183 خواتین اور ایک لاکھ دس ہزار 647 مرد ووٹرز تھے ۔
ضمنی الیکشن میں 52ہزار 724 مردوں اور37ہزار886 خواتین ووٹرز نے حق رائے دہی استعمال کیا ۔ کل 90 ہزار 610 ووٹ ڈالے گئے جن میں سے 1187 مسترد اور 89 ہزار 423 درست قرار پائے ۔
حلقے میں ووٹ ڈالنے کا ٹرن آؤٹ 46.75 فیصد رہا ۔