پی ڈی ایم کا حکومت کیخلاف 26 مارچ کو لانگ مارچ کا اعلان
اسلام آباد (92 نیوز) پی ڈی ایم نے طویل اجلاس کے بعد حکومت کیخلاف 26 مارچ کو لانگ مارچ کا اعلان کر دیا۔
فضل الرحمن نے کہا سینیٹ الیکشن ملکر لڑیں گے۔ تحریک عدم اعتماد کا فیصلہ لانگ مارچ کے بعد ہو گا۔ مولانا فضل الرحمن نے 26 ویں آئینی ترمیم مسترد کر دی۔ براڈ شیٹ کمیشن کو بھی تسلیم نہ کرنے کا اعلان کر دیا۔ مولانا نے کہا سینیٹ اور قومی اسمبلی میں احتجاج جاری رہے گا۔
مولانا فضل الرحمن نے پی ڈی ایم اجلاس کے بعد کہا مہنگائی نےعوام کی زندگی کومشکل بنا دیا۔ سرکاری ملازمین کے احتجاج میں ساتھ دیں گے۔ پی ٹی آئی فارن فنڈنگ کیس کا فیصلہ فوری سنایا جائے۔ کشمیری کے ساتھ کھڑے ہیں۔