پی ڈی ایم موسمی بیماری ہے ہر سردیوں میں نکلتی ہے، مُراد سعید

کرک (92 نیوز) وفاقی وزیرمواصلات مُراد سعید نے کہا کہ پی ڈی ایم موسمی بیماری ہے ہر سردیوں میں نکلتی ہے۔

کرک میں جلسے سے خطاب کرتے ہوئے وفاقی وزیر مُراد سعید نے کہا اپوزیشن مسترد شدہ ٹولہ ہے، جو صرف تاریخیں ہی دیتا ہے۔

انہوں نے کہا کہ عمران خان کا ایک جلسہ گیارہ پارٹیوں سے بڑا ہوتا ہے، اگلے الیکشن میں سندھ میں بھی پی ٹی آئی کی حکومت ہوگی۔

مُراد سعید کا کہنا تھا کہ عمران خان امریکا کی آنکھوں میں آنکھیں ڈال کر بات کرتا ہے، اُنہوں نے کہا کہ عمران خان نے عام آدمی کو صحت کارڈ کی سہولت فراہم کی۔