31 جنوری تک وزیر اعظم خود گھر نہ گئے تو ہم انہیں بھیج دینگے ، بلاول بھٹو
چیئرمین پاکستان پیپلزپارٹی بلاول بھٹو کی زیر صدارت پارٹی کی سینٹر ایگزیکٹو کمیٹی کا اجلاس ہوا ، اجلاس کے بعد میڈیا سے گفتگو کرتے ہوئے بلاول بھٹو نے کہا کہ آج پیپلزپارٹی کی سینٹرل ایگزیکٹو کمیٹی کا اجلاس ہوا ، سی ای سی نے نوٹ کیا عوام اس وقت تاریخی غربت کا سامنا کر رہے ہیں ، پاکستان کا گروتھ ریٹ پورے خطے میں سب سے برا ہے ، مہنگائی جس شرح سے بڑھ رہی ہے وہ بھی خطے میں سب سے زیادہ ہے ۔
بلاول بھٹو کا کہنا تھا کہ پاکستان گروتھ میں سب سے پیچھے جبکہ مہنگائی میں سب سے آگے ہے ہم سمجھتے ہیں کہ اس سب کی ذمہ دار سلیکٹڈ حکومت ہے ،2018 کے انتخابات الیکشن نہیں سلیکشن تھی ، ہم پاکستان کو حقیقی جمہوریت کی طرف لانا چاہتے ہیں ۔یہ حکومت خود گھر چلی جائے ورنہ ہم بھیج دیں گے ۔ 31 دسمبر تک تمام ممبران استعفے قیادت کو جمع کرا دیں ، 31 جنوری تک وزیر اعظم خود گھر نہ گئے تو ہم انہیں گھر بھیج دیں گے ۔
بلاول بھٹو زرداری نے خواجہ آصف کی گرفتاری کی بھی مذمت کی ۔