پی ڈی ایم صرف این آر او کیلئے سیاست کر رہی ہے، خرم شیر زمان

کراچی (92 نیوز) پاکستان تحریک انصاف کے رہنماء خرم شیر زمان کہتے ہیں اپوزیشن جماعتوں کو عوام کی زندگی سے کوئی دلچسپی نہیں، پی ڈی ایم صرف این آر او کیلئے سیاست کررہی ہے۔ پی ٹی آئی رہنماء خرم شیر زمان کراچی میں پریس کانفرنس کے دوران اپوزیشن کیخلاف برس پڑے۔ پی ٹی آئی رہنماء کا کہنا تھا آزاد کشمیر میں مسلم لیگ ن اور کراچی میں پیپلزپارٹی نے لاک ڈاؤن کیا، اپوزیشن کی سیاست کا مقصد صرف این آر او لینا ہے۔ خرم شیر زمان نے مولانا فضل الرحمان کو کورونا وائرس کا سفیر قرار دے دیا اور کہا کہ جلسوں کے ذریعے عوام کو مارنا چاہتے ہیں۔ پی ٹی آئی رہنماء جمال صدیقی نے کہا کہ کراچی سے گلگت بلتستان تک عمران خان کامیاب ہیں، جبکہ گلگت کو سندھ جیسا بنانے کی بات پر بلاول بھٹو کو شکست ہوئی۔