پی ٹی وی فیس 35 سے بڑھا کر 100 روپے ماہانہ کرنے کا پلان

اسلام آباد (92 نیوز) پی ٹی وی فیس 35 سے بڑھا کر 100 روپے ماہانہ کرنے کا پلان مرتب کرلیا گیا، عوام سے20 ارب روپے وصول کرنے کا منصوبہ بنالیا گیا۔ پی ٹی وی بورڈ آف ڈائریکٹرز نے منظوری بھی دے دی، 92نیوز نے فیصلے کی دستاویز حاصل کرلیں۔ دستاویز کے مطابق بجلی صارفین سے پی ٹی وی فیس 35 روپے سےبڑھا کر 100 روپےماہانہ کی جائے گی۔ 2007 میں بجلی صارفین سے 35 روپے ماہانہ پی ٹی وی فیس وصولی شروع ہوئی۔ پی ٹی وی بجلی صارفین سے 7ارب روپے سالانہ وصول کررہا ہے۔ بھاری تنخواہوں پر تعینات ہونیوالی ٹیم نے نیا فنانشل پلان تیار کیا ہے۔