پی ٹی آئی کے ایم این اے اعجاز شاہ کو وفاقی وزیر پارلیمانی امور بنا دیا گیا
اسلام آباد (92 نیوز) وزیراعظم نے وفاقی کابینہ میں توسیع کر دی۔ رکن قومی اسمبلی اعجاز شاہ کو وفاقی وزیر پارلیمانی امور مقرر کر دیا۔
ننکانہ صاحب سے منتخب ہونے والے رکن قومی اسمبلی بریگیڈیئر ریٹائرڈ اعجاز شاہ کو وفاقی وفاقی کابینہ میں شامل کیا گیا ہے۔ صدر مملکت عارف علوی نےمنظوری دے دی۔
وفاقی وزیر اطلاعات فواد چوہدری نے ٹویٹ کے ذریعے تصدیق کرتے ہوئے کہا کہ صدر مملکت نے وزیراعظم کی سفارش پر اعجاز شاہ کو وفاقی وزیر بنانے کی منظوری دے دی۔ بریگیڈیئر ریٹائرڈ اعجاز شاہ 2004 سے 2008 تک انٹیلی جنس بیورو کے سربراہ رہے ہیں۔