پی ٹی آئی وسطی پنجاب کے صدر اعجاز چودھری نے مال روڈ چیئرنگ کراس پر ماسک بانٹے
لاہور (92 نیوز) ملک کے مختلف شہروں میں کورونا وائرس سے آگاہی کی مہم چلائی گئی۔ اعجاز چودھری اور رہنما ناصر سلمان نے لاہور میں مال روڈ چیئرنگ کراس پر شہریوں میں ماسک تقسیم کیے۔
پی ٹی آئی وسطی پنجاب کے صدر اعجاز چودھری نے میڈیا سے گفتگو میں کہا آگاہی مہم عمران خان کی ہدایت پر کورونا وائرس پر شروع کی جا رہی ہے۔ پوری ہوشمندی سے بہادر اور سمجھدار قوم کا ثبوت دینا ہے۔ گھبرانے سے نہیں حکمت سے کورونا وائرس کا سامنا کرنا پڑے گا۔