پی ٹی آئی نے نیب کیخلاف کمیٹی بنانے کی وزیراعظم کی تجویز رد کر دی
اسلام آباد ( 92 نیوز ) پاکستان تحریک انصاف نے نیب کے خلاف کمیٹی بنانے کی وزیر اعظم شاہد خاقان عباسی کی تجویز مسترد کر دی ۔
رہنما پاکستان تحریک انصاف اسد عمر کہتےہیں نیب پر دباؤ ڈالنا انصاف کا قتل ہے۔
اسد عمر نے کہا کہ پارلیمنٹ نے نیب پر دباو ڈالا تو یہ انصاف کا قتل ہوگا ، نیب وہ کام کر رہا ہے جو وزارت خزانہ کا تھا ، وزیر اعظم کی چیئرمین نیب کے خلاف تقریر سے حیرانی ہوئی۔
اسد عمر نے مزید کہا کہ نواز شریف کے متعلق رپورٹ ورلڈ بینک کی ہے، نیب کے خلاف کمیٹی نہیں بننی چاہیے اس کی مخالفت کریں گے۔
رہنما پاکستان پیپلز پارٹی نوید قمر نے سابق وزیراعظم پر الزام کو سنجیدہ قرار دیتے ہوئے کمیٹی میں شامل ہونے یا نہ ہونے کو پارٹی قیادت سے مشروط کردیا ۔