پی ٹی آئی رہنماؤں کا سانحہ بلدیہ ٹاؤن کے متاثرین سے اظہار یکجہتی

کراچی (92 نیوز) چھ سال قبل بلدیہ فیکٹری میں جلائے گئے مزدوروں کے اہلخانہ کو انصاف نہ مل سکا۔ وفاقی  صوبائی حکومت اور مختلف سیاسی جماعتوں کی جانب سے کیے گئے وعدے بھی پورے نہ ہوسکے۔ تحریک انصاف کے رہنماوں نے متاثرین سےملاقات کی اور ان کی آواز قومی اسمبلی میں اٹھانے کی یقین دہانی کروائی۔

عارف علوی اور عمران اسماعیل کا کہنا تھا کہ سانحہ بلدیہ کے ذمہ داروں کو سزا دینا تو دور حکومت نے متاثرین کے حقوق بھی غصب کررکھے ہیں قومی اسمبلی میں آواز اٹھائیں گے۔

متاثرین نے کہا کہ حکومت نے ان کے ساتھ انصاف نہیں کیا۔ تحریک انصاف کے رہنماوں کا کہنا تھا کہ سانحے میں ملوث ملزموں کو کیفرکردارتک پہنچانے میں کے لئے ہرفورم پرآواز بلند کریں گے۔