پی ایس ایل فائنل کیلئے سکیورٹی انتظامات کے حوالے سے حکام کی بریفنگ

 کراچی ( 92 نیوز)  پاکستان سپر لیگ کے فائنل کے لئے سکیورٹی انتظامات مکمل  کر لئے گئے ، سکیورٹی کے حوالے سے  حکام نے بریفنگ بھی دی ۔

پی ایس ایل فائنل کی تیاریاں عروج پر  ہیں ،نیشنل اسٹیڈیم بڑے میچ کی میزبانی کرے گا  ۔ وزیراطلاعات اور سیکیورٹی حکام نے انتظامات پر بریفنگ دی ، صوبائی وزیر نے کہا کرکٹ کے دیوانے تھوڑا صبر کریں فائنل میچ کو فیسٹیول کی طرح منایا جائے گا ۔

ڈی آئی جی ٹریفک نے بتایا کہ اسٹیڈیم کیطرف آنے والی سڑکیں عام گاڑیوں کیلئے بند کردی جائیں گی  ،پانچ پارکس کو ٹریفک پارکنگ اور شٹل سروس کیلئےاستعمال کیا جائے گا ، اسٹیڈیم تک جانے کیلئے صرف شٹل سروس ہی واحد ذریعہ ہوگی  ۔

سندھ رینجرز بھی فائنل کیلئے ہر دم تیار ہوگی  ، بریگیڈیئر شاہد کا کہنا تھا شائقین کیلئے اسٹیڈیم کے دروازے دن 11 سے شام 5 بجے تک کھلے رہیں گے  ۔

فائنل کیلئے سیکیورٹی انتہائی سخت ہوگی  ،  پولیس کے 8 ہزار اہلکار فرائض انجام دیں گے جبکہ آرمی کے ہیلی کاپٹرز بھی فضائی نگرانی کریں گے۔