پی ایس ایل فائنل میچ کے دوران ملک بھر میں بجلی کی لوڈشیڈنگ نہ کرنے کا فیصلہ
اسلام آباد(92نیوز)پی ایس ایل فائنل میچ کے موقع پر ملک بھرمیں بجلی کی لوڈشیڈنگ نہ کرنے فیصلہ ۔۔ وزارت پانی وبجلی نے تقسیم کاراور بجلی پیدا کرنے والی کمپنیوں کو ضروری ہدایات جاری کردی ہیں۔۔
تفصیلات کے مطابق وزارت پانی و بجلی کےترجمان نے 92 نیوز کوبتایا کہ لاہور میں پی ایس ایل کے فائنل میچ کے دوران ملک بھر میں بجلی کی لوڈشیڈنگ نہ کرنے کا فیصلہ کیا ہے۔ پانچ مارچ کو صبح چھ بجے سے لیکر رات ایک بجے تک ملک کے کسی بھی حصے میں لوڈشیڈنگ نہیں ہوگی۔ اس سلسلے میں بجلی کی تقسیم کار کمپنیوں کو ہدایت کی گئی ہے کہ ملک بھر میں بجلی کی بلا تعطل ترسیل یقینی بنائی جائے اور بجلی کی پیداواری کمپنیوں کو ہدایت کی ہے کہ وہ اضافی بجلی پیدا کرنے کےلئے ایندھن کے انتظامات کریں۔
