پی ایس ایل 4 کی افتتاحی تقریب آج سجے گی
دبئی ( 92 نیوز ) پی ایس ایل 4 کی افتتاحی تقریب آج سجے گی ، دبئی میں تقریب کے بعد پہلے میچ کیلئے سیٹی بھی بجے گی ۔
آگیا وہ شاہکار ، جس کا تھا سب کو انتظار ، پاکستان سپر لیگ فور کا آغاز آج سے ہوگا ، رات 8 بجے دبئی میں افتتاحی تقریب کے بعد پہلا میچ کھیلا جائیگا جس میں دفاعی چیمپئن اسلام آباد یونائیٹڈ اور لاہور قلندرز مقابل ہوں گے ۔
ایونٹ کی افتتاحی تقریب میں فواد خان ، جنون بینڈ اپنی پرفارمنس سے رنگ جمائیں گے جبکہ آئمہ بیگ اور شجاع حیدر بھی آواز کا جادو جگا کر شائقین کا جوش بڑھائیں گے ۔
غیر ملکی فنکار بھی ایونٹ کی افتتاحی تقریب کی رونق بڑھائیں گے ، امریکی ریپر پٹ بل اور بونی ایم بھی اپنے فن کا مظاہرہ کریں گے ۔